كلاص ساهل ورائع

كلاص ساهل ورائع بما اننا ف فصل الصيف وكنبغيو حاجة باردة بغيت نوريكم طريقتي فتحضيرو

بسم الله

المقادير

علبة creme glace ماشي creme chantilly ردو معاى البال الله يحفظكم ههههه

نصف لتر حليب نزولوا منو كأس صغير

ساشي فاني

الطريقة

نعمل غبرة creme glace مع الحليب ونحطهم فالة العجانة ونخدمهم تقريبا ربع ساعة اواكتر حت يبان ليك الخليط عقاد وخرج كمية بكترة

ولكن خصكم تخدموه مزيان

نزيد نصف علبة حك نيستلي محلى باش ميجيناش حلو بزززاف ونخدمهم عاود تاني

نقسم الخليط على 3

نسم باى حاجة عندي فالدار

سواء فريز مطحون او اي فاكهة

وتاني نسموه بالقهوة او شكلاط

او اي لون حبيتو ديرو