كريب معمر

جبت لكم وصفة ساهلة او سريعة كيف ما عودتكم في وصفاتي لطرحتها من قبل . كتصلح لرمضان او لعشية كتمشي في بلتويات مع المملحات ......

جبت لكم كريب معمر لديد او زوين ولكن أهم شي إقتصادي . يعني وخى غي معلقة ديال الكفتة كيف ما أنا دارت هنا

مقاديرديال لكريب كل وحد تدير طريقة ديالها لمولفه او إلى عجبتكم هاد طريقة تابعوها حيت يجي خفيف او لديد او مورق

نبداو على بركات الله :

كنحتاجو:نص لتر حليب - 230g دقيق - 40g زبدة دايبة - 2 بيضات - ملح - بزار

أنا هنا كرت كل الخليط في غراف باش يجني سهل منين نبغي نطحنو او حتى منين ندير في المقلة يجني سهل او نقد نتحكم في المقدار لبغيتو

منين نطحنو الخليط لازم نخلوه شي نص ساعة عاد نبداو نطيبوه ملاحضة مهمة

دبى ندوزو لحشوة :

نهتاجو : بصلة مشلضة - خيزو محكوك - قرعة محكوك - نبتة soja إلى ماكنتش معليش كيف درتها كيف مدرتهش أنا كانت عند قلت نزيدها - شعرية صينية مرطبا في شوية ديال لما سخون - 50g كفتة - معلقة سكينجبير - معلقة ملح - معلقة كنور منزلي - معلقة صوص soja -

كنشحرو جميع المقادير بالتتابع

منين يطيبو جميع المقادير نتفيو نار او نزيدو صوص soja مع شعرية صينية

صافي وكلفوهوم ف لكريب كيف حبينا

كيان الي يبغي يقليهوم وكاين الي يبغي يدخلهم للفرن يتحمرو شويه

انا كنفلضهوم هكا يجيو خفاف

نتمنى يعجبكم خفاف او لداد بزاف

نتمنى تجربوهم راهم ينفعوا في رمضان سهلين او فيسع يوجدوا او مفهمش المقادير بزاف . والحشوة أنا دارت هادي يمكن لكم تفانوا كيف ما بغيتو أنا عتتلكم فكرة ولكم كامل الاختيار

نتمنى الي جربتهوم تدعي معايا